PUN IKA
PUN SAPUN KA SANG RUHMUHUN
AMIT PUN SEJA ULUN TUHU KA PITUDUH
SEJA NGAGUARKEUN PARI GEUING
TUMUT NUTUR KA PAPAKON
PALIAS KA BANGBALERKEUN
PUN SAPUN SEJA DI JURUNG
MAPAG MEGA MAPAG BAYU
BAYU SUKMA BAYU RASA
MUGA TEPUNG JEUNG PAPADA
MANGSA DI JAMAN SA JALAN LEUMPANG
MOLAH OJAH TUR OBAHNA
NYANDING KA ALAM BIHARI
MO TANGTU MULUS MARANTI
NU SAMAR KA SARUMAHAN
NGA DAYANG DAYANG KALANGKANG
NGALALAKON KULIT BUNGLON
NYAMAR DINA KASAMARAN
SURUP TANGTUNG KULIT LUTUNG
NYA MANGSA SALAH DI WAYAH
LAWAS DI MANGSA KAHALANG UGA
GEUS MUSTI WANCI MUSTARI
NAPAK MANGSA DIHIN PASTI
GELAR MEDAL
SANGHYANG PADJADJARAN NGADAUN NGORA
SOENDA MANGGUNG
GALOEH NANJEUR KEUR BALADREA
PUCUK TEBAR TI PARAHYANG
SUMEBAR KU WAWANGI
DI MANGSA
PADJADJARAN BEUKAH KEMBANG
RAHAYU NING CATU PARAHYANG
RAHAYU NING DIRA PADJADJARAN
PRADJA BUANA SILIWANGI
MARDHI IKA
P U N I K A
TATAPAK DI NA LALAKON
TITINCAK DI PANYORANGAN
DUDUGA TI NU KAWASA
PERYOGA KA PATUJUAN
HIRUP DARMA NING KERSANA
HURIP DARMA NING KARSANA
KATITIPAN PANGAWASA
KAPAPANCEN KEUR NGARAKSA
MUN TELIK EUSINING USIK
MACANA KU UGA RASA
WUJUD TANGTU DI KAWASA
NATRATKEUN TULISAN ALLAH
AKSARANA TITIS TULIS
KAPASTIA TINU MAHA
UNGGELNA WELAS JEUNG ASIH
LAMBANG HURUP KEUR NU HIRUP
TITIS TEH GAMBARAN WUJUD
TULIS TEH NYATANA SIPAT
MUN WUJUD NYATA MANUSA
ULES WATEK GE MANUSA
MANA SIA GEURA SUSUR
NU LINGGIH DI LEBAH GALUR
NYA SIA GELAR KI SUNDA
INGSUN DAHA TUNGGAL IKA
SUNDA ALAM PANGLOKATAN
JALMA SING JADI MANUSA
EUSINA ALLAH JEUNG RASUL
ANU MAHA - ANU MADA
NYA GELARNA
KANG MAHAMADA
EUSINA MANUSA PASTI
PASTI BENER KU NIATNA
PASTI BENER KU LENGKAHNA
PASTI BENER KU BAKTINA
PASTI BENER KU BUKTINA
HAMO HIRUP AAKUAN
HAMO HIRUP MAMALIHAN
PALIAS KASARUMAHAN
SABAB UCAP KUDU BUKTI
SABAB NIAT KUDU PASTI
ATI-ATI JEUNG TALITI
KUDU DIHIN KANA PASTI
PASTIKEUN JALAN LARATAN
KATAMPIAN GEUSAN MANDI
DI LEUWI SIPATAHUNAN
LEUWI KEUR NGARUNCANG DIRI
DIRI ANU SA KIWARI
KEUR MURU LARUNG NU TUJUH
NGARAYAP TI PADJADJARAN
BONGAN USIK PULANG ANTING
PADUNGDENGAN PATEMBONGAN
JEUNG USIKNA PANGANCIKAN
NU TURUN TI GALUH AGUNG
KAHIBARAN KU MALATI
KAHIBARAN KU MALATI
NYA MOYAN DI PAMOYANAN
PANGGIH NA KU URANG DAMI
ANU KEUR MARENG NGARAJAH
MADEP KA DAYEUH KAWANGI
NAGARA DINA RAGANA MA NU SA
KAMA TEH CUKANG LANTARAN
BIBIT AWIT PEUPEUNTASAN
NUSA ALAM PAGELARAN
TEMPAT GELAR, NGALA LAKON
NGALA SEJA KA NU BOGA
LALAKUAN NGA RUMASA
RUMASA DIRI
DI ASIH
KU ALLAH NU MAHA BERSIH
DI ASUH
KU SEPUH NU DI RIRIPUH
DI ASAH
KUALAM DI PALAMPAHAN
PAKEUN GELAR S I L I W A N G I
SILITEH NU JADI BANGSA
WANGI NA KAMANUSAAN
GELAR KABANGSAAN NU KAMANUSAAN
TUHU TUMUT KANA TUDUH
TUDUHNA SANG GURU HYANG
KA TUHUAN KA TUHANAN
BUKTINA TUNGGAL - TULISAN
TUTUR LAKU LISAN UCAP
KALAM NA MANUSA PASTI
MANGSI NA KAMA SAJATI
BUKUNA LALAKON SUCI
KALIMAHNA SILIWANGI
SILI BANGSA WANGI SEUNGIT
NU NGANCIK TI KASAJATIAN
KEUR NGADEGKEUN PADJADJARAN
NAGARA TUNJUNG SAMPURNA
DINA RAGANA MANUSA
PANG-UMBAR-AN PANG-ABAR-AN
PAPASTEN TANGTU JEUNG KUDRAT
TITIS TULIS ANU NATRAT
WENANG JEUNG CAHAYA BEURANG
WENING JEUNG CAHAYA PEUTING
ALAM BUMI PANGASALAN
KEUR SA KABEH INGSUN ALLAH
NUGELAR DI ALAM LAHIR
PAPADA SEWANG PANCENA
PAPADA SEWANG ALAMNA
SING LAWUNG SABALE GANDRUNG
SING AKUR TEPUNG DI GALUR
TUNGGALKEUN SIPAT NU SUCI
JAUHKEUN MUN NIAT DENGKI
PAPADA SILI NGARAKSA
PAPADA SILI NGAJAGA
MUN BARENG TANGTU SAMPURNA
NGAWUJUD SUCI ALLAH NA
MIPIT SEJA REK AMITAN
NGALA SEJA REK NGIBARAN
NU JADI MARGA LANTARAN
NU DIPAMRIH KA SAPUKAN
SEJA MUKA TUTUNGKUSAN
NU KATUTUP HALIMUNAN
ANU JADI PEPENDEMAN
TITIPAN TI KASEPUHAN
NU KAGUNGAN KAWENANGAN
AMIT AMPUN NYA PARALUN
TEU WASA NGALALANGKUNGAN
MUNG DARMA SEJA BABAKTI
MUGIA SING JADI PASTI
NGALAKSANA NGARUMASA
KA SEPUH ANU UTAMA
NU HIJI SA ALAM DUNYA
NU HAKNA TITIS WARISNA
TABE PUN HAMPURA INGSUN
AMIT AMPUN NYAPARALUN
NU NGUTUS TI PADJADJARAN
NU LUNGSUR TI PARAHYANG
NGUTUS KA SEUWEU JEUNG SIWI
TETES TERAH SILIWANGI
NU UTAMA KUDU SURTI
KEUR NU NGUMBAR KARUHUNAN
BALATAK TIMANA MENDI
NGAKU GAGAH NGAKU SAKTI
NGAKU TERAH SILIWANGI
TAPI TEU SURTI KA DIRI
NGARASA DIRI NU HAKNALihat blog
NEPAK DADA UJUG RIA
DIMANA TANGGUNG JAWABNA
MUN LAKU KITU PETANA
TARIMA KU MAMALANA
DOSA SAKABEH UMATNA
TANGTU DI TANGGUNG DIRINA
PALIAS LAIN WIWITAN
NYANGGA HIRUP TEH PAPANCEN
NU KUDU DI LALAKONAN
SANGKAN TEPUNG JEUNG NGA LAWUNG
GUMULUNG NGA WUJUD TANGTUNG
Tidak ada komentar:
Posting Komentar